Со цел подигнување на свеста против меѓуврсничкото насилство (антибулинг), граѓанската организација „Иновативни мотиватори“ (ИМ) денеска во Градски парк организира активности за дружење на младите.
Со настанот ИМ почнува кампања насловена „Јас Сум Промената“ како дел од активностите за одбележување на Светскиот ден против меѓуврсничкото насилство (булингот) – 4ти Мај.
– Ќе не забавуваат музички бендови од повеќе средни училишта од Скопје, ќе цртаме/боиме или ќе учиме да изработуваме накит со креативните работилници, ќе танцуваме, ќе снимаме и сликаме во забавниот photo booth и уште многу изненадувања, најавува организаторот во поканата за настанот.