Вчера, нешто пред 23 часот, непознати лица го каменувале домот на актерот и активист за човекови права, Петар Стојковиќ. Нападот доаѓа по неговата колумна во која актерот кажа дека има партнер, односно дека е хомосексуалец. Во каменувањето никој не бил повреден и не била причинета никаква материјална штета.
Случајот е пријавен во полиција.
Анти-геј групите веќе неколку дена дивеат по Скопје и засега поминуваат неказнето, иако се снимени од многуте камери низ градот и на плоштадот Македонија, каде минатата недела претепаа малолетници.