Македонската академија на науките и уметностите не може да биде дневно-политички интерпретaтор, ниту да се претвори во истражен орган или во суд, изјави претседателот на Академијата Владо Камбовски, одговарајќи на новинарски прашања за актуелната политичка ситуација во земјата.
– Мислам дека не е во ред да се одбегне одговорноста на надлежните институции кои мора да си ја прифатат одговроноста за решавање на сите проблеми за кои постојат јасни правни и уставни начела, и таа да се префрла и на други институции, рече Камбовски во МАНУ, каде што денеска се одржа основачко собрание на Здружението за меѓународно право.
Тој апелираше надлежните институции да ги извршуваат своите законски и уставни задачи и функции и, како што рече, доследно да се придржуваат на Уставот на кој положиле заклетва.