На влез во гевгелиското село Прдејци, рано утрово околу 1.30 часот, полициски службеници ги уапсиле З.Г. (20) и Д.М.(19), двајцата од Косово бидејќи во возилото со кое се превезувале биле пронајдени мигранти.
– При контрола во возилото „фолксваген туран“ кое го управува З.Г., а сопатник бил Д.М., биле пронајдени седум лица мигранти од Сирија, соопштија денеска од МВР.
Тие биле задржани во полициската станица во Гевгелија и по целосно документирање на случајот, во координација со јавен обвинител, против нив ќе биде поднесена соодветна пријава.