Припадниците на граничната полиција вчеравечер при контрола на граничната линија во близина на селото Долно Блаце забележале лице со коњ натоварен со стока како се обидува илегално да ја мине границата со Косово. При обид да го запрат лицето го напуштило коњот и побегнало во правец на Косово.
Како што информира МВР, настанот се случил околу 20:00 часот во место викано Плажа, во близина на селото Долно Блаце.
Коњот и криумчарената стока биле донесени во Полициската станица за граничен надзор Блаце каде е утврдено дека се работи за 100 килограми тутун и 1.124 кутии разни медикаменти.