Соочени со фактот дека нивните градоначалници се големо разочарување и дека ништо не прават за интересите на граѓаните постојано сме сведоци на едни исти предлози коишто доаѓаат од страна на ВМРО-ДПМНЕ, нашиот став е јасен, концизен и точен рече на прес конференција пратеникот на СДСМ Дарко Каевски.
– Нашиот став е дека за сите овие прашања треба да има дебата и врз призма на сериозен консензус од сите политички партии да ја донесеме одлуката за сите овие прашања и сите овие прашања треба да се решат во периодот што следи, но за сето тоа имаме две и пол години, две и пол години до одржувањето на парламентарните редовни избори со којшто сите овие прашања треба сериозно да се аргументираат и врз база на сето тоа да се донесе еден заклучок и општ консензус и да се решат работите, вели Каевски.
Каевски потенцираше дека СДСМ има јасен став дека изборите ќе бидет редови во регуларниот предвиден термин во 2024 година.
