Локалниот клуб на Социјалдемократската младина при Општинската Организација на СДСМ Гевгелија и годинава по 20-ти пат го организира јубилејниот Коледарски Хепенинг, предвесникот на Христовото раѓање кои со годините наназад прерасна во урбана традиција и незаборавна забава за гевгеличани.
Одбележја на оваа манифестација се учеството на голем број музичари, хумористи и естрадни ѕвезди од Македонија и Балканот, големиот Коледарски оган и возбудливиот финиш со огномет во сите можни бои.
По повод организирањето на овој традиционален настан, Претседателот на ЛК СДММ Гевгелија – Петко Стоилов, денеска на одржаната прес конференција за медиумите, упати јавна покана за сите граѓани на општина Гевгелија и од останатите градови од Македонија, утре вечер на 5-ти јануари, во 19:30 часот, да повелат на Ракометното игралиште во Гевгелија, каде ќе се одржи Јубилејниот 20-ти по ред Коледарски Хепенинг.
Изненадување за бројната публика ќе биде учеството на Белградскиот рокер Бајага и неговата група Инструктори.
