Директорот на Канцеларијата за Е-управа, Михаило Јовановиќ, ги повика граѓаните на соседните земји, кои немаат закажано термин за вакцинација, да не доаѓаат во Србија, бидејќи нема да бидат вакцинирани, пренесе „Танјуг“.
Јовановиќ потсети дека има договор меѓу стопанските комори во регионот за вакцинирање стопанственици, а сите што се пријавиле на тој начин и добиле термин преку порталот за Е-управа, ќе бидат вакцинирани.
На веб-страницата Е-управа, покрај српските државјани, странски државјани со и без престој во Србија можат да го изразат својот интерес за вакцинација против Ковид-19, по што ќе добијат термин за вакцинација.
„Сите други треба да знаат дека, ако немаат закажано, нема да можат да се вакцинираат“, изјавил Јовановиќ за Танјуг.
Околу 7.500 стопанственици од економиите на регионот на Западен Балкан се пријавија за вакцинација викендов во Србија, што беше обезбедено преку регионалниот форум за инвестиции во соработка со Владата на Србија.