Еврокомесарот Јоханес Хан, вечерва пристигнува во Скопје каде ќе присуствува на министерскиот состанок посветен на енергетиката, а ќе оствари и средба со парламентарните политички партии.
Ова е негова прва посета на земјата по предвремените парламентарни избори, последен пат Хан ја посети Македонија во октомври кога оствари средби со партиите каде се дискутираше за организација на изборите на 11 декември.
Во свое обраќање пред парламентарното Собрание на Советот на Европа, Хан изјави дека очекува брзо формирање на Влада во Република Македонија поддржана од широко парламентарно мнозинство која ќе ги спроведе потребните реформи за отварање на европските перспективи на земјата.