Постапката за оценка на студиите за влијанието врз животната средина на потенцијалните рудни наоѓалишта, како и водењето на јавната расправа во општините каде се спроведе референдум и оние кои бараат спроведување референдум за отворање рудници во југоисточниот дел од државата било спроведено согласно Законот и правилниците на РМ, одлучи на денешната седница Советот на Југоисточниот плански регион (ЈИПР) во Гевгелија.
Советот заклучи дека согласно законската регулатива во РМ со која се уредува проблематиката околу искористувањето на минералните суровини како национално богатство, односно концесии за геолошки истражувања на минералните суровни и за нивна експлоатација издава исклучиво Министерството за економија, односно Владата на РМ.
Според зкалучокот, општините пред и по одржаните референдуми, немаат никаква надлежност за преземање мерки, односно референдумите не произведуваат никаква правна обврска за локалните самоуправи за веќе издадените концесии за експлоатација.
Единствено резултатите од референдумите може да ги достават до Министерството за економија, односно Владата на Република Македонија, која има законска обврска да се произнесе за резулатите од референдумите и да донесе соодветни одлуки за доделените концесии за истражување и експлоатација на минералните суровини.
Имајќи го сето ова во предвид, Советот на Југоисточниот плански регион од денешната седница во Гевгелија побара од Владата на РМ поради итноста на ситуацијата, на првата наредна седница да се произнесе со официјален став по однос на овие прашања.