Јавното обвинителство покрена постапка против девет лица за криумчарење мигранти во Северна Америка

Од:

Јавното обвинителство на Република Македонија соопшти дека е издадена наредба за истражна постапка против девет лица осомничени за кривично дело „организирање група и поттикнување на извршување на делата трговија со луѓе, трговија со дете и криумчарење мигранти“.

За седуммина од осомничените е определена мерка притвор, а за двајца – мерки за претпазливост.

Како што информираат од Јавното обвинителство, во текот на првата половина од 2017 година тројца од осомничените од користољубие создале и организирале група за вршење кривично дело – криумчарење мигранти.
„Подоцна кон групата се приклучиле и останатите осомничени. Групата во текот на 2017 година и првата половина од оваа година, организирала комплетно патување од матичните земји, преку земјите членки на Европската Унија и Доминиканската Република, до САД и Канада како земји на крајна дестинација“, се наведува во соопштението.

Осомничените како организатори на криминалната група, откако ќе оствареле средба со потенцијалните мигранти, ги врбувале и го договарале начинот на обезбедувањето и висината на паричниот износ што се движела од 20.000 до 25.000 американски долари по лице, а се исплаќала по пристигнувањето на крајната дестинација, наведуваат од Јавното обвинителство.

Организаторите го планирале бројот на лицата што ќе бидат криумчарени, временскиот период, рутата по која ќе биде реализирано патувањето и локациите каде времено ќе бидат сместени мигрантите во текот на
криумчарењето.

„За потенцијалните мигранти – македонски и албански државјани кои не можеле да добијат регуларни визи од Амбасадата на САД, обезбедувале фалсификувани документи, со резервирање и купување авионски и автобуски билети, како и со резервирање и плаќање привремено сместување на мигрантите во хотели, мотели и хостели во земјите од рутата“, појаснуваат од Јавното обвинителство.

„Ценејќи дека се исполнети законските услови, надлежниот јавен обвинител до судија на претходна постапка при Основниот суд Скопје 1 Скопје достави предлог за определување мека притвор за сите осомничени. Судијата го прифати предлогот и со Решение им определи мерка притвор на седуммина од осомничените, а на двајца им определи мерки за претпазливост“, наведува ЈОРМ.

Би можело да ве интересира

Чикаго како воена зона – солзавец, гумени куршуми и пукање

Во дворот во куќа во Ајватовци садел канабис, во спалната имал комора за сушење

Катерина Ѓуровски

Обвинителството ги проверува причините за пожарот и складирањето на отпадот, увидот е во отежнати услови

Увидот за причините за пожарот во Трубарево треба да започне утре, Обвинителство бара и продолжување на притворот за нови 48 часа на четворицата опфатени во постапката

Убиецот од Велес добил условна за насилство над Росица, пет дена потоа ја уби

Катерина Ѓуровски

Орбан: Веќе една деценија ги штитиме Унгарија и Европа од нелегална миграција

Горан Наумовски