Јавни набавки: Се поништува секој трет тендер

Од:

Центарот за граѓански комуникации го објави Извештајот од мониторингот на јавните набавки за периодот јули-декември 2020 година, како и резултатите од анкетата на фирмите за нивното искуство при учеството на тендерите.

dobivaj vesti na viber

Од мониторингот на јавните набавки е констатирано дека поништувањата на тендерите стигнаа до 33 %, што е највисоко ниво во последните неколку години. Најмногу поради немање понуди или поради неприфатливи понуди.

Во пораст е отфрлањето на понудите на фирмите на тендерите поради проблеми со документацијата или со понудените предмети на набавка. Контролирани се само 1 % од тендерите во земјава и во секој петти контролиран тендер се пронајдни неправилности.

Според податоците од извештајот, конкуренцијата кај локалните тендери останува значително пониска отколку кај тендерите на институциите на национално ниво. Во жалбената постапка се намалува уделот на уважени жалби од фирмите, а расте уделот на одбиени жалби.

Во анкетата спроведена кај компаниите главен проблем кој го истакнуваат 77 проценти е ’најниската цена‘ како критериум за избор на најповолната понуда.

60 проценти од анкетираните сметаат дека фирмите се договараат на тендерите, 47 посто од фирмите сметаат дека има корупција при јавните набвки, 47 % од фирмите не се жалат на тендерите поради недоверба во Државната комисија за жалби по јавни набавки.

Просечната оценка што фирмите ја дале за процесот на јавните набавки е 2,8 (на скалата од 1 до 5), што е исто како лани. Доминантни 60 % од фирмите велат дека корона-кризата влијаела негативно врз нивното учество на тендерите.

Мониторингот на јавните набавки се спроведува во рамките на активноста Јавно трошење за јавно добро, поддржана од Проектот на УСАИД за граѓанско учество. Целта на оваа активност е зголемување на ефективноста на јавното трошење преку намалување на корупцијата и зголемување на транспарентноста.

Би можело да ве интересира

Секоја втора фирма која учествува во тендери во земјава вели дека има корупција

Центар за граѓански комуникации: Високи ризици од корупција и судир на интереси во набавките за Ковид-19

Катерина Павлова-Николовска

Институциите се должни да ги објавуваат јавните набавки на веб страниците

Катерина Павлова-Николовска

ЦГК: Во двете кризни години, државните институции купиле 142 нови возила за кои платиле 3,6 милиони евра, најскапото чинело 47.000 евра.

Ана Ололовска

Зимското одржување на патиштата оваа сезона ќе чини осум милиони евра

Најмногу пари за новогодишни пакетчиња потрошил Град Скопје, објави Центарот за граѓански комуникации

Ана Ололовска