Опозициската ВМРО-ДПМНЕ, преку генералниот секретар Игор Јанушев, реагираше дека казните за крвавиот четврток се драконски, а пресудите биле претходно нарачани и напишани без да се земат предвид доказите.
„Погребувањето на правото се вика 211 години затвор. Се потврди дека казните се драоонски зашто се суди од политички мотиви. Пресудите и прогонот нема да му помогнат на Заев“, рече генералниот скеретар на партијата на денешната прес-конференција.
Тој потенцира дека директорот на БЈБ, Митко Чавков, кој на 27 април 2017 преземал мерки за ситуацијата да не ескалира е осуден, а како што рече, за МВР од каде не било преземено ништо нема постапка.
Јанушев не ја искоментира ослободителната пресуда за Дурловски, како и посебно за останатите осудени лица освен за Чавков, за кој рече дека е добар пример и доказ оти власта прави политички прогон.
Галена Николовска-Ризвановиќ