Поранешната министерка за внатрешни работи, Гордана Јанкулоска реагираше на социјалните мрежи по објавата на Никола Груевски кој ги повика пратениците да се преиспитаат како ќе гласаат за уставните измени.
„Кога си далеку од проблемите, на 800км од Македонија лесно е на социјалните мрежи да кажуваш што е лесно, а што не е, при тоа амнестирајќи се од сите проблематични одлуки за кои секогаш одговорен е некој друг и игнорирајќи ја реалноста дека Македонија е таму каде што е денес, меѓу другото и заради бројните испуштени шанси во минатото“, напиша поранешната министерка за внатрешни Гордана Јанкулоска на својот фејсбук профил.