Штипските семејства што минатата година добија социјални станови можат да здивнат, бидејќи,според најавите на министерот Јанакиевски,наскоро ќе можат да се вселат во своите нови семејни катчиња.
„Во текот на вчерашниот ден Управниот суд ги побара списите за последниот предмет околу социјалните станови и очекувам во текот, не знам, на овој месец, како што и претходно имав ветувања од Управниот суд дека ќе бидат решени сите предмети, а потоа лично ќе дојдам овде да ги доделам клучевите“, изјави министерот за транспорти и врски, Миле Јанакиевски, при денешната посета на Штип.
Според министерот Јанакиевски, причината поради која становите сѐ уште не се предадени во владение е големиот број тужби од страна на незадоволни граѓани, а становите не можеле да се доделат без предметите да бидат правосилно решени.
Во ноември минатата година беше доделен вкупно 91 социјален стан, а аплицираа вкупно 160 граѓани.
М.Р.