(ВИДЕО) Јанакиески: Ова е нечовечки, четири пати ме носат од дома во Шутка

Од:

Ексминистерот за транспорт и врски Миле Јанакиески, по објавувањето на пресудата за „27 април“ со која беше осуден на 6 години и 3 месеци затвор, а откако обвинителството побара да биде однесен во притвор во истражниот затвор во Шуто Оризари, пред судот реагираше дека таквата одлука би била нечовечка.

„Сакам само да ви претставам една ситуација, како изгледа пред мојот дом, за да видите дека повеќе од доволна е мерката куќен притвор. По бегството на Мијалков, мене ме обезбедуваат 8 полициски службеници, секое возило што влегува и излегува од мојата зграда детално се претресува, а во моментов, бидејќи е топло, полицајците седат во ходникот од зградата и сум по 24 часовен надзор. Освен тоа, од август има поголем број предмети за кои треба да се спремаме и притворот го ограничува моето право на одбрана. Мислам дек е нечовечки по четврти пат да се носам во Шутка, од дома во Шутка, од дома во Шутка, четири пати сум носен… сите имаме фамилија, малолетни деца, јас 3 години сум веќе во притвор, 5 години ми е одземен пасошот и сум под мерки и мислам дека ова е малтретирање и изживување со човекови судбини“, изјави Јанакиески пред судот.

Поранешниот претседател на Собранието Трајко Вељаноски денеска од Кривичниот суд беше осуден на шест години и шест месеци затворска казна. Ексминистерот за образование Спиро Ристовски доби казна затвор од шест години и три месеци, во која му се засметува времето поминато во притвор и куќен притвор. На ексминистерот за транспорт Миле Јанакиески му е изречена шест години и три месеци во која му се засметува времето поминато во притвор и куќен притвор. Ексдиректорот на УБК, Владимир Атанасовски доби шест години затворска казна, во која му се засметува и куќниот притвор.

Би можело да ве интересира

Пресудата за „27 април“ ќе биде соопштена на 26 јули

Жарко Настоски

(ВИДЕО) Јанакиески бара ослободителна за „27 април“: Јас не сум тој што треба да седи пред вас

Кристијан Ландов

Покренато обвинение против Игор Јанушев за набавката на кинеските автобуси, обвинет е и Јанакиески

Кристијан Ландов

Нема докази за „Организаторите на 27 април“, тврди адвокатот Миланов

Жарко Настоски

Миланов: Измената на обвинението за „27 април“ е триумф за нас, она што се тврдеше дека го сториле сега го нема

Кристијан Ландов

Судењето за организаторите за „27 април“ одложено за 26 април