Граѓанската опција за Македонија (ГРОМ), како баланс на политичката сцена, се залага за политичка стабилизација и политички дијалог, рече лидерот на ГРОМ Стевчо Јакимовски на денешната средба со кумановци.
Според Јакимовски, учеството на ГРОМ на претстојните избори е за „стабилизација на Македонија и за подобрување на политичкиот дијалог, а не да се зголемат конфротациите“.
Јакимовски оцени дека за државата е голем недостаток политичкиот дијалог, за кој, како што рече, добиваме критики од ЕУ и од САД. Тоа, според Јакимовски, пречка за евроинтеграцискиот процес на државата, и треба да се надмине .
– Треба да влијаеме на мирот, соживотот, за заедништвотото, интегрирањето и да се обединиме сите околу намалување на невработеноста и подобрување на стандардот на граѓаните, наведе лидерот на ГРОМ.