Неколку собраниски комисии во вторник ќе расправаат по Извештајот на Европската Комисија за напредокот на Македонија за 2012 година.
На заедничка седница за извештајот претпладне ќе расправаат членовите на Националниот Совет за евроинтеграции и на Комисијата за европски прашања, додека попладне по него ќе се дискутира на собраниската Комисија за земјоделство, шумарство и водостопанство.
Извештајот минатата недела во Брисел беше претставен од Комесарот за проширување Штефан Филе. Во него по четврти пат се препорачува Македонија да ги започне пристапните преговори со унијата, констатирајќи дека земјата продолжува задоволително да ги иполнува политичките критериуми за членство.
Меѓу другото, Филе предложи и решавање на спорот со името во раната фаза од преговорите, при нивниот евентуален почеток.
„Само што докажав дека можете да направите нешто по четврти пат и можете да го направите поинаку”, порача Филе во средата во Брисел.