Четири лица се здобиле со тешки телесни повреди, а 27 лица со лесни телесни повреди во 18 од вкупно 34 сообраќајни незгоди што се случиле изминатиов викенд на подрачјето на Град Скопје. Во 16 сообраќајни незгоди е причинета материјална штета.
Од сообраќај, според податоците на СВР Скопје, полицијата исклучила еден возач кој возел под дејство на алкохол, шест возачи пред да се стекнат со право на управување на моторно возило и две возила нерегистрирани.
Со специјалното возило „пајак“ подигнати се 111 возила.
Казнети се и четворица возачи кои поминале крстосница на црвено светло, еден возач кој не дал првенство на минување на пешаците на обележан пешачки премин, еден за не правилно престигнување, и еден возач кој не дал првенство на минување на возила во зона на крстосница.