Денеска со почеток во 12.00 часот ќе се одржи велосипедската трка „Скопје на точак 2019“, во организација на Сојузот на спортови на Скопје.
Трасата на движење на учесниците со велосипед ќе биде од фонтаната „Лотос“ во Градски парк, право по булеварот „Илинден“, лево по улицата „Љубљанска“, лево по булеварот „Партизански одреди“, лево по булеварот „ВМРО“, па десно по булеварот „Гоце Делчев“, десно по булеварот „Крсте Петков Мисирков“, во продолжение по булеварот „Кочо Рацин“, десно по улицата „Свети Кирил и Методиј“, десно по булеварот „Свети Климент Охридски“, лево по булеварот „Илинден“, до пред фонтаната „Лотос“ во Градски парк.
Од тие причини Одделението за безбедност на патниот сообраќај во наведениот период ќе преземе мерки за посебен режим на сообраќајот при што сообраќајот ќе се пренасочува по околните сообраќајници.
МВР апелира до граѓаните да ги почитуваат наредбите што ги издаваат полициските службеници по сообраќајниците по кои ќе се одвива велосипедската трка.