Измамници ограбиле родители на болно момче кое требало да се лекува во странство

Од:

СВР Охрид поднесе кривична пријава против П.С.(33) од Струга и С.Ш.(43) од Скопје поради постоење основи на сомнение за сторени кривични дела „измама“ и „помагање при вршење на измама“.

Во периодот од 21.11.2024 до 17.12.2024, пријавените измамиле двајца сопружници од Струга и им причиниле материјална штета од 229.000 денари. Тие стапиле во контакт со нив преку социјална мрежа и, претставувајќи се лажно како лица кои сакаат да донираат парични средства за лекување на нивниот болен син во странска земја, во неколку наврати им побарале да испратат одредена сума на пари за да може средствата кои наводно сакаат да ги донираат да се ослободат од даночните обврски.

Oткако неколку пати испраќале пари преку автопревозници во Скопје, од сопружниците било побарано да им ги пуштат кодовите за активирање на трансакциските сметки, а откако ги дале кодовите, во наредните неколку денови имале повеќе приливи и одливи од нивните сметки.

После тоа, на сметката на оштетениот легнале пари од повеќе финансиски друштва, иако не побарал од ниту едно финансиско друштво да му биде одобрен кредит.

Би можело да ве интересира

Тетовчанка е измамена за речиси 2.000 евра од државјанин на Косово

ВИДЕО: Снимен грабеж на манастирот „Успение на Пресвета Богородица“ во селото Обршани

Тројца разбојници ограбиле малолетници на автобуска станица на Бит Пазар

Тетовец остана и без пари и без возило

Неготинец остана без 77.500 денари, бил жртва на вешт измамник

Аферата во Украина: Се збогатија купувајќи храна за војската, купија хотели во Хрватска