Изјавата на Костадинов за припојување на Македонија кон Бугарија е недолична и злонамерна, реагира МНР

Од:

Министерството за надворешни работи и надворешна трговија на Република Северна Македонија соопшти дека „силно ја осудува објавата на лидерот на бугарска политичка партија Преродба, Костадин Костадинов, и актуелен пратеник во Народното собрание на Бугарија, на Фејсбук, со која изразува јасни територијални претензии кон нашата држава“.

-Таквите злонамерни изјави на официјални личности од бугарската политичка сцена се директен напад на суверенитетот, интегритетот и независноста на нашата држава и истовремено се во директна спротивност со правилата и принципите на меѓународното право, немешањето на државите во нивните внатрешни работи и политиката на градење добри меѓусоседски односи, наведува МНРиНТ во реакцијата.

Министерството ја оцени како „недолична и непримерена“ изјавата на бугарскиот политичар и очекува да биде отфрлена од официјална Софија.

-Ваквата недолична изјава на Костадинов, очекуваме од официјална Софија да биде отфрлена како непримерна на духот и времето во кое живееме, европските стандарди кои силно ги почитуваме и спротивно на нашите залагања за обезбедување траен мир, безбедност и просперитет во Европа и пошироко, соопшти Министерството за надворешни работи и надворешна трговија.

Лидерот на ултаранационалистичката и крајнодесничарска бугарска партија „Преродба“, Костадин Костадинов, ја повика владата во Софија официјално да објави претензии за припојување на Македонија и на украинската област Јужна Бесарабија кон Бугарија.

Во објава на социјалната мрежа Фејсбук, Костадинов ги поддржува изјавите на новозибраниот претседател на САД Доналд Трамп за Канада и Панамскиот Канал и наведува дека е потребно и Софија јавно да излезе со барање за припојување на Македонија и Јужна Бесарабија кон Бугарија.

Би можело да ве интересира

Костадинов: Мојата партиска припадност од денес е замрзната во СДСМ

А1он

(ВИДЕО) Петрушевски: Јасно е дека Филипче и Заев стојат зад Костадинов

АХВ лажела за водата во Струмица, Костадинов најави кривична пријава

Предраг Петровиќ

Конзулатот е во комуникација со семејството на починатото девојче во Италија за транспорт на посмртните останки во земјава

Семејство од Македонија, мајка со три деца, утре ќе биде евакурано од Израел

Катерина Ѓуровски

(ВИДЕО) Костадинов: Уште колку жртви треба да дадеме за да се свестиме дека со огнот нема играчка

А1он