Изградбата на новиот Клинички центар треба да почне во текот на зимата

Од:

Новиот Универзитетски клинички центар што ќе биде лоциран во скопската општина Ѓорче Петров, треба да почне да се гради во текот на зимата.

Владата на вчерашната седница ја усвои Информацијата за начинот на финансирањето на изградбата на Универзитетски клинички центар на гринфилд локација во Скопје, како и Информацијата за започнување на реализацијата на новиот Универзитетски Клинички центар.

Министерствата за финансии и за здравство се задолжени да отпочнат преговори со конзорциумот на банки Erste group, Raifaisen bank и UniCredit за заем обезбеден со гаранција од ECA. Завршена е фазата на утврдување најповолна понуда на кредит. Министерството за здравство, како договорен орган, треба да ја спроведе постапката за јавната набавка за изградба.

За потребите и реализација на новиот Универзитетски Клинички центар, со оглед дека во изведбата обврски имаат и други министерства и институции, даден е рок од 30 дена, во кој тие ќе ја разгледаат можноста за придонес во реализацијата и повратно ќе ја известат Владата.

Доколку сите процедури се одвиваат според предвидената динамика, може да се очекува во текот на зимата да биде поставен камен-темелникот на новиот Универзитетски клинички центар во Скопје, што треба да гарантира високо квалитетни здравствени услуги за населението во целата држава, стои во соопштението.

Би можело да ве интересира

Коронавирусот ги активира термалните камери на скопскиот аеродром, епидемиолозите уверуваат дека не се шири преку роба увезена од Кина

Кристијан Ландов

(ВИДЕО) Дуковски: Неосновани се аргументите на опозицијата за измените на законот за опојни дроги, бидејќи тие не кажуваат кои сегменти им пречат

А1он

МЗ: Зголемен бројот на пациенти со мултипла склероза кои се на третман со иновативна терапија

Ана Ололовска

Здружение „Живот со предизвици“: Неопходна е рана дијагноза и терапија, продолжува проектот „Ги запознаваме ретките болести“

Ана Ололовска

Филипче за заканите од корона вирус: Имавме разговори, чекаме СЗО да даде препораки

Кристијан Ландов

ВИДЕО: Хируршка сала според најсовремени стандарди отворена на Клиниката за торакална и васкуларна хирургија

Ана Ололовска