Записникот на работната група на Министерството за правда која вршеше ревизија на АКМИС системот за распределување на предмети во скопскиот Кривичен суд е изготвен, потврдија за МИА од Министерството.
Оттаму посочуваат дека деновиве министерот за правда Билен Саљији ќе ја свика работната група на брифинг, а потоа Министерството ќе изготви извештај што ќе биде презентиран пред јавноста.
Проверката на АКМИС-системот следува откако во извештајот на Рајнхард Прибе беше нотирано дека постојат индиции за злоупотреба на овој систем, кој како систем ги автоматизира и следи предметите од иницијалното отворање на предметот преку негово доделување, било да е кривичен, прекршочен, граѓански…