Изгаснат е пожарот на границата со Бугарија

Од:

Во близина на селото Стар Истевник, на македонско-бугарската граница, денеска целосно е локализиран и изгаснат шумскиот пожар кој избувна по удар од гром, информираат пожарникари од ТППЕ Делчево.

Во гаснењето на пожарот првпат заеднички учествуваа екипи од двете страни на границата – припадници на Територијалната противпожарна единица од Делчево, вработени од „Национални шуми“ – Подружница Голак, припадници на Граничната полиција, како и служби за гаснење од Бугарија.

– Пожарот се прошири по тешко пристапен терен. Со координирана акција и одлична соработка со екипите од Бугарија, истиот е ставен под контрола, изјавија од ТППЕ Делчево.

Од терен информираат дека навремената интервенција спречила понатамошно ширење на огнот и поголема штета врз шумскиот фонд.

Локалните власти ја оценија акцијата како пример за добрососедска соработка и повикаа на зголемена претпазливост во периодот на високи температури и грмежи.

Би можело да ве интересира

(ФОТО) Голем пожар во близина на СЦ „Борис Трајковски“

А1он

Запалија сува трева, трња и нискостеблеста шума кај Тиквешко езеро, уапсени се

А1он

Јанчев: Подметнат е пожарот на локалитетот Мушов Гроб

Горан Наумовски

Пожарите во близина на селата Мерово и Церово се целосно изгаснати

Горан Наумовски

Изгаснат пожарот кај Церово, активни се четири пожари

76-годишна жена призна дека подметнала 11 пожари