Повеќе не постои порнографската група на Телеграм во која имаше над 7.000 членови, а се постираа фотографии и видеа од девојки од Македонија.
Избришани се сите членови, откако администраторот на групата самиот се пријави во полиција, а две девојки го пријавија случајот.
Пред да се пријави во полиција, администраторот разговараше со А1он за тоа дека целата група му излегла од контрола и намерата не му била да споделува порнографски материјали за малолетни девојчиња.
„А1он“ успеа да влезе во групата каде што се споделуваа интимни фотографии и порнографски видеа на малолетни и полнолетни девојки и каде над 7400 членови си разменуваа информации и препораки за девојките.
Членовите на групата бараа разголени фотографии од девојчиња, а бараа и фотографии од девојки со конкретни имиња и презимиња.