Избори на 11. декември? На потег е лидерската четворка

Од:

Денеска е ден „Д“, кога се носи одлука дали ќе има и кога ќе се одржат предвремените парламентарни избори. Лидерската четворка, денеска на лидерска средба треба да потврди дали се исполнети условите, и дали датумот за избори ќе е 11. декември.

Судејќи според изјавите на лидерите, желба и намера, барем формална, има. Но. кога станува збор за политиката на македонски начин, можни се изненадувања и скриени адути до последен момент.

Од поставените услови, според изјавата на ДИК, Избирачкиот список е прочистен. Околу 9.000 граѓани се пријавија дека се проблематични. Останатите околу 26.000 ќе имаат уште една можност додека трае јавниот увид, а доколку тоа не го сторат ќе бидат избришани од списокот.

СДСМ ќе соопшти кој ќе биде новиот уредник на Информативната програма во 100-те дена пред избори, и кој ќе работи на непристрасност и професионалност во Јавниот сервис. По откажувањето на Даут Даути, има оптимизам, четворицата членови на ад-хок телото за следење на медиумите да најдат заеднички јазик за петтиот член, иако и некомплетирањето на ова тело не е пречка, барем според партиите. за закажување на изборите.

До колку се донесе одлука за избори, тогаш од септември ќе стартува и привремената влада.Она на што предупредуваат експертите, е стравот, дека откако ќе се договори датумот, Уставниот суд да донесе одлука за неуставност на постоењето на Специјалното јавно обвинителство, што дополнително ќе ја искомпикува целата ситуација.

Лидерската е закажана за во 13 часот.

Би можело да ве интересира

За Кремљ избори во Романија се многу „чудни“

Тесна предност за левичарите пред десничарите на претседателските избори во Полска

Илјадници Романци ја славеа победата на Дан на претседателските избори

Горан Наумовски

Излезни анкети: „Романскиот Трамп“ убедливо води на претседателските избори

Горан Наумовски

Чалмерс: Новата австралиска влада ќе се соочи со сенката на трговската војна меѓу САД и Кина

Избори во Романија: Излезноста надмина 50 отсто, гласаа повеќе од девет милиони гласачи