Министерот за животна средина и просторно планирање Нурхан Изаири денеска во Виена ќе присуствува на министерската Конференција на Централно европската иницијатива (ЦЕИ) на тема „Енергетски преобразби“.
На конференцијата, на која учествуваат министри за животна средина од десет држави од регионот, ќе се дискутира за теми од взаемен интерес и ќе биде презентиран придонесот на регионот во борбата против климатските промени преку зголемена употреба на обновливите извори на енергија.
На маргините на конфернцијата министерот Изаири ќе има билатерална средба со својот австриски колега, федералниот министер за земјоделство, животна средина и управување со водите Андра Рупрехтер.