Игор Ивановски, по дискусијата на Илија Димовски, побара задолжителни психијатриски прегледи за некои пратеници.
На обидот на претседателот Велјаноски да не му дозволи процедурално да реагира, му рече да си седи мадро и да не го прекинува, бидејќи не знае што ќе говори.
„Опозицијата се обединува. Сами ќе останете со Амбди Бајрам, и тука среќа ви посакуваме. На следните избори ќе ви се врати, по тоа ќе ве чекаат казни и затвор, но ќе морате и парите што ги крадевте да ги вратите. До пред 5 години, Илија Димовски мислеше дека Љубчо Георгиевски го кренал Крушевското востание, а сега мисли дека Никола Груевски е првиот човек кој стапнал на месечината. Ова е ВМРО-криминална. Заштитетниот сведок за Љубе Бошкоски, често е во Комитетот на ВМРО и е Грк“, рече Игор Ивановски.
„Со шверц ли ќе ја браните Македонија? Да не те вика Бранко, Шема, никој муабет нема да ти прави. Вие обединувајте се. Сите заедно ќе ве победиме. Љубчо ние го избркавме. Ако не се извините за коалицијата со Георгиевски и со прогрчката НСДП, застанувате во редот на партиите со антимакедонски став“, рече Димовски.
„Не ли се чувствствувате како Јуда кога го напаѓате оној што го величевте и во несвест паѓавте од одушевување кога доаѓаше во Велес“, праша Емилијан Станковиќ.
„Вие го заклавте народот.Знаете ли што се 250 милиони евра. Што се можеше да се направи за сиромашните со тие пари. Бетон сега градите“, реплицираше Самка Ибраимовски, на што Димовски одговори дека Ибраимовски 20 години бил во власта и не му било лошо.
Гордан Георгиве, рече дека е жално што Груевски потрошил 500 милиони евра во проектот „Скопје 2014“, за да го смени македонскиот идентитет.
Дебатата продолжува и утре.