СДСМ ниту била, ниту е против покачување на пензиите. Ние предлагаме, рече Цветанка Иванова, наместо од март пензионерите да добијат зголемени пензии за 5% од јануари.
„Зошто претседателот на Здружението на пензионери, Драги Аргировски се претопи со министерот Спиро Ристовски и зошто влезе во неговата игра?
– Знаеме каква е состојбата во Фондот. Сакаме да го слушнеме Аргировски, дали за нив е поповолно зголемувањето на пензиите од први јануари или од март. Ова е предизборен маркетинг на ВМРО-ДПМНЕ, а не заради грижата за пензионирите“, рече Иванова.
Министерот за труд и социјална политика, Ристовски, рече дека реална можност е зголемување на пензиите од први март, а не од први јануари. Амандманот, рече Ристовски, од опозцијата за поголеми пензии од први јануари е изнуден и неприфатлив и е дневно сцениарио од опозииција.
Иванова реплицираше, дека владата ги користи сите целни групи.
„Ви падна маската. Царот е гол, ВМРО-ДПМНЕ не се грижи за 300 илјади пензионери“, додаде Иванова.