Претседателот на Република Македонија Ѓорге Иванов, преку соопштение го кажа својот став околу случувањата во Слупчање, и полагањето цвеќе на споменикот на УЧК од страна на офицери на АРМ.
Иванов бара од сите фактори да не ја злоупотребуваат Армијата на Република Македонија и употребата на армиската униформа за политички, партиски, или какви било други цели.
Претседателот Иванов побарал од надлежните расветлување на случајот и утврдување на постоење на злоупотреба на службената должност. Униформираните лица во придружба на Министерот за одбрана, не се во формацискиот состав на Армијата на Република Македонија, туку членови на Кабинетот на министерот, стои во соопштението од Кабинетот на претседателот на Република Македонија.