Претседателот Ѓорѓе Иванов изјави дека пресудата од Хаг мора да се почитува и затоа правниот тим ја следеи состојбата зашто повторно во Чикаго била прекршена времената спогодба.
„Правниот тим кој беше ангажиран ги следи сите настани и ќе биде направено она што е во најголема корист за Република Македонија“, изјави претседателот Иванов.
Претседателот и врховен командант на вооружените сили, Ѓорге Иванов, заедно со министерот за одбрана Фатмир Бесими, началникот на ГШ на АРМ, генерал-мајор Горанчо Котески и командантот на Командата на НАТО од Мадрид, Алфредо Кардона присуствуваа на досега најголемата меѓународна вежба „Кооперативна долга стрела/Лансер 2012“, која се одржа на армискиот полигон „Криволак“.
На вежбата учествуваат припадници на АРМ и армиите на Азербејџан, Австрија, Белорусија, Босна и Херцеговина, Грузија, Ерменија, Казахстан, Молдавија, Србија, Украина, Црна Гора и Швајцарија, како земји членки на Партнерството за мир, додека од армиите на членките на НАТО учествуваат припадници на САД и на Шпанија.
