Иванов: Не прифаќам договор што е штетен за македонските национални интереси

Од:

Претседателот Ѓорге Иванов на денешната средба со вршителот на должноста заменик-помошник државен секретар во Стејт Департментот на САД за Европа и Евроазија, Метју Палмер во однос на постигнатиот договор меѓу владите на Република Македонија и Република Грција, истакнал дека не прифаќа договор со кој се крши Уставот, законите и се рушат државните институциите и претставува договор што е на штета на македонските национални интереси.

На средбата, како што соопшти кабинетот на Иванов, било разговарано за актуелните политички состојби во Република Македонија и за натамошно зацврстување, збогатување и унапредување на стратегиското партнерство меѓу Република Македонија и САД.

Македонскиот претседател изразил очекување дека ќе продолжи американската поддршка за надворешно политичките цели и приоритети на Република Македонија, за добрососедските односи и регионалната соработка.

Претседателот Иванов посочил дека Република Македонија уште во 2008-та година ги исполни условите за членство во НАТО и сиве овие години активно придонесувајќи во НАТО мисиите, заедно со земјите-членки, Република Македонија го заслужува членството без дополнителни услови.

На средбата, претседателот Иванов потенцирал дека одржување на мирот, стабилноста и просперитетот на нашиот регион е од клучно значење за целиот европски континент.

Би можело да ве интересира

Москва и Вашингтон се договорија да започнат процес за решавање на конфликтот во Украина

Горан Наумовски

Блумберг: Трамп сака мир во Украина до Велигден

Горан Наумовски

Иванов: Се исполнува визионерскиот став на Кисинџер дека за конфликтот во Украина кога тогаш мора да почне дијалог

Горан Наумовски

(ВИДЕО) Рустеми: Не ме викнале на распит за надзорот на „Бехтел и Енка“, стојам на располагање на обвинителството

Ќе воскресне ли аболицијата од Иванов – скопски адвокат поднел барање до Врховен

Анита Петровска Рајковиќ

Пет години од референдумот за Договорот со Грција