Истрага за две лица кај кои е пронајден кокаин

Од:

Основното јавно обвинителство Гостивар донесе наредба за спроведување истражна постапка против две лица за кои постои основано сомнение дека сториле кривично дело „неовластено производство и пуштање во промет наркотични дроги, психотропни супстанции и прекурсори“.

Како што соопштуваат од Обвинителството, осомничените, албански државјани на возраст од 21 и 43 години, на вчера околу 22:40 часот на регионалниот пат Дебар – Маврови Анови, во близина на „Ростушко анче“, во нивното возило „Фолксфаген туарег“ со албански регистарски ознаки, превезувале 25 грама кокаин. Дрогата била пронајдена при претрес од страна на полициски службеници, по што лицата биле задржани во полициска станица и за нив по документирање на случајот е поднесена кривична пријава во Основното јавно обвинителство Гостивар.

Со цел обезбедување натамошно непречено водење на кривичната постапка, јавниот обвинител кој постапува во предметот до судијата на претходна постапка во Основниот суд Гостивар достави предлог за определување притвор за осомничените, информира Обвинителството.

Би можело да ве интересира

Две жртви и еден тешко повреден во сообраќајка на влезот во Битола

24-годишен маж крвнички ги истепал децата на партнерката, едно дете е во животна опасност

Удрил во количка со 15-месечно бебе на пешачки и избегал, детето е повредено

На крушевски полицаец му ги украле пиштолот од станица

Возел со 1,35 промили алкохол во крвта, удри млада девојка на улица во Скопје

Катерина Ѓуровски

Нападнат полициски началник во дискотека во Кавадарци, двајца во притвор

Катерина Ѓуровски