Сведочењето на премиерот Никола Груевски пред Анкетната комисија тече во мирна работна атмосфера, брифираат од внатре. До сега Груевски одговарал штуро на прашањата и не изнел никакви класифицирани информации.
Прашања му поставиле околу шест пратеници. Не може да се знаеш уште колку ќе трае сослушувањето затоа што не е познато дали ќе земат збор сите пратеници кои се членови на Комисијата.
Седницата е затворена на барање на Груевски и затоа јавноста нема да може да ги добие записниците. Претседателот, Петре Шилегов, претходно рече дека на јавноста ќе и ги соопшти сите детали кои немаат доверлива природа.