Внукот на Љубе Бошкоски исчезнал пред два дена и му се губи секаква трага. Исчезнувањето на Самоил Костадиновски било пријавено и во МВР.
Во соопштението од МВР стои само дека е исчезнато 26-годишно лице.
– На 04.03.2023 во 08.00 часот во СВР Скопје, М.К.(32) од Скопје пријавил дека од домот се оддалечил неговиот брат С.К.(26). Се преземаат мерки за пронаоѓање на лицето, информираат кусо МВР.
Самоил Костадиновски е син на братот на сопругата на Љубе Бошкоски
На социјалните мрежи беше објавен и апел за помош од граѓаните. Во објавата се вели дека се сомневаат дека Костадиновски бил киднапиран. Бидејќи исчезнал во близина на Чешката амбасада откако таму го оставил своето возило и заминал во возило со други луѓе кои го чекале таму. Телефонот му е исклучен. Сепак, оваа објава набрзо беше повлечена.
