ИРИ: 45 отсто граѓани сметаат дека телефоните се уште им се прислушуваат

Од:

Речиси половина од македонските граѓани и натаму сметаат дека нивните телефонски разговори не се приватни и безбедни, покажува анкетата на Меѓународниот републикански институт (ИРИ).

Вкупно 45 отсто од анкетираните одговориле дека телефонските разговори што секојдневно ги вршат не се приватни и безбедни наспроти 34 отсто кои сметаат дека никој без нивно знаење не ги прислушува.

Во однос на претходното истражување на ИРИ, бројот на оние кои сметаат дека телефонските разговори им се безбедни е зголемен за пет отсто, а за еден процент е намален бројот на граѓаните кои сметаат дека некој ги прислушува.

Анкетата на ИРИ покажува и дека иако има тренд на подобрување, над половина од анкетираните сметаат дека во Македонија се уште не постои владеење на правото. Дека воопшто нема владеење на правото сметаат 24 отсто, а оти делумно нема 29 проценти.

Триесет и три проценти рекле дека во Македонија постои владеење на правото, а од нив 14 целосно, а 29 проценти делумно.

Во однос на последната анкета на ИРИ, за два процента е зголемен бројот на оние кои сметаат дека во Македонија има владеење на правото, а за исто толку е намален бројот на граѓаните кои сметаат дека нема.

Би можело да ве интересира

Истражување: 73 отсто од Французите велат дека САД повеќе не се сојузници на Франција

Анкета: Рекорден број Американци се идентификуваат како ЛГБТК+

Анкета: Речиси 47 отсто од Американците го поддржуваат Трамп на почетокот на неговиот мандат

Објавена највлијателната анкета: Трамп води, гласачите сметаат дека Харис е премногу либерална

Германската крајна десница АфД е на второ место на анкетите, една недела пред европските избори

A1on

Една четвртина од младите се пречесто на социјалните мрежи, според нив, партиите се најголем извор на неточни информации

A1on