ВМРО-ДПМНЕ и Никола Груевски се во предност пред опозициската СДСМ, според анкетата на Институтот за истражување на политики и добро владеење.
Според резултатите, граѓаните имаат најголема доверба во ВМРО ДПМНЕ 19,1 проценти, а СДСМ има рејтинг од 12,9 отсто.
Од албанските партии ДУИ е во предност со 6,9 проценти, ДПА има поддршка од 3,9 насто од граѓаните, НДП има 1,7 отсто.
ЛДП и ВМРО Народна партија според анкетата на Институтот имаат поддршка од под 1 насто.
36,2 проценти од анкетираните одговориле дека нема да гласаат.
Од политичарите најмногу доверба има премиерот Никола Груевскио со 20,1 проценти. Зад него е Бранко Црвенковски, лидерот на СДСМ е на второто место со 12 отсто доверба кај граѓаните, Али Ахмети има 7,4, Мендух Тачи 3,9 , а Руфи Османи 1,8 проценти.
Околу 46 проценти од испитаниците во анкетата на Институтот за истражување на политики и добро владеење одговориле дека немаат доверба во ниту еден политичар или пак не можеле да оценат.
Анкетата е спроведена телефонски од 15 до 17 јуни, на репрезентативен примерок од 1.060 испитаници.