Институтот “Павел Шатев“,кој е близок на ВМРО-ДПМНЕ до медиумите испрати анкета со која се обидува да ја измени сликата дека партијата на власт не ужива голема поддршка како во минатото.
Анкетата која ја работел институтот, кој е регистриран во приватен стан во Чаир дошол до резултати кои се дискутабилни.
На прашањето на кој политичар најмногу му верувате прикажува резултат:
Зоран Заев 10,7%
Никола Груевски 28,3%
На следното прашање, кое гласи: „Кого би избрале за премиер помеѓу Зоран Заев и Никола Груевски (без испитаници Албанци), прикажува резултат:
Зоран Заев 14,1%
Никола Груевски 50,4%
И нормално за крај прашањето кое е главно во кампањата на ВМРО-ДПМНЕ: “Дали поддржувате партија која се залага за концептот на двојазичност на целата територија на Македонија и нов рамовен договор, на што 4,9 % одговориле со ДА, а 93,5% одговориле со “НЕ“.
Овој институт кој е основан во 2012 година е регистриран на истата адреса на која живее претседателот на здружението, Ивана Петровска. За разлика од Инститотот „Димитрија Чуповски“, овој институт има активен статус во Централниот регистер и пет основачи. Дел од основачите пак, имаат или имале високи функции во државни институции за времето на ВМРО-ДПМНЕ.
Гордана Симоноска е раководител на правната служба во Македонска Пошта, а како основач се јавува и Златко Јанковски, екс портпарол на Секретаријатот за европски прашања во Владата на ВМРО-ДПМНЕ.
Во документите нема наведено контакт телефон. Телефонски број нема ниту на бројот за информации.
Велат, на таа адреса нема регистрирано никаков број.
Овој институт во четирите години од постоењето нема сопствена страна на интернет, а сите активности ги објавува само на својата фејсбук страна која е преплавена со трибини организирани од институтот каде редовно се гости министрите од ВМРО-ДППМНЕ-трибина со Диме Спасов, со Зоран Јолевски, Владимир Нелоски, Спиро Ристовски и секако и трибина со обраќање на Никола Груевски.