Иницијатива за Конгрес: Мицкоски е единствениот во ВМРО-ДПМНЕ чии афери се амнестираат од надлежните обвинителства и судови

Од:

Еуфоријата на се уште актуелниот Претседател на ВМРО-ДПМНЕ Христијан Мицкоски за одложувањето на Вонредниот конгрес покажува колку е тој очаен и колку го интересира само сопствената функција велат во соопштение д Иницијативата за свикување конгрес во ВМРО-ДПМНЕ.

„Очекувано е човек кој доживеал целосен дебакл да се радува само затоа што се одложило неговото заминување од функцијата. Мицкоски е единствениот во ВМРО-ДПМНЕ чии афери се амнестираат од надлежните обвинителства и судови, додека останатите членови се соочуваат со драконски казни. Нема член на СДСМ кој не смета дека „Мицкоски треба да си го пазат како очи во глава“ и дека тој е омилениот спаринг партнер кој си го нокаутираат по договор“ – се вели во соопштението.

Иницијаторите за конгрес велат дека Мицкоски има неколкукратно понизок рејтинг од ВМРО-ДПМНЕ и ја влече партијата надолу, а меѓу два изборни циклуси успеа да загуби 150 000 гласови.

„Колку порано Мицкоски си замине од претседателската функција, толку подобро и за Македонија и за ВМРО-ДПМНЕ. Јасно е дека тој нема капацитет да ја води партијата. Отпорот против Мицкоски во партијата се зголемува и се ближи крајот на неговите партиски бизниси“ – стои во дописот од Иницијативниот одбор.

Иницијативниот одбор вчера иннформираше дека се одложува Конгресот кој беше закажан за 28. март поради како што објаснија влошената епидемиолошка состојба во државата.

Би можело да ве интересира

Мора да има одговорност за прислушкувањето, порача премиерот Мицкоски

Мицкоски: Независноста е аманет од нашите предци, но и завет пред идните генерации

Горан Наумовски

Ѓорѓиевски: Скопје е град на слоеви – град на историја, уметност и визии

(ВИДЕО) Кузеска: Дали Мицкоски се плаши од декласификација поради потврда на милионски криминал на ВМРО-ДПМНЕ?

ВМРО-ДПМНЕ: СДСМ крадеше, правеше предавства и ги уништуваше институциите

СДСМ: Скопје се гуши поради неспособноста на власта и градоначалниците од ВМРО-ДПМНЕ