Инцидент во ресторан во Аеродром: Го претепале, го влечеле по под, го удирале со ногарка

Од:

Основното јавно обвинителство Скопје поведе постапка против две лица за кривично дело – Насилство согласно член 386 став 3 во врска со став 1 од Кривичниот законик.

dobivaj vesti na viber

Двајцата осомничени на возраст од 43 и 27 години, на 5 мај напладне влегле во угостителски објект на улицата „Методија Шаторов Шарло“ во Скопје и без никаков претходен разговор физички нападнале едно лице кое седело во кафе-барот. Најпрво започнале да го удираат со тупаници по главата и телото, а потоа и грубо да го малтретираат, влечејќи го по подот на објектот. Во еден момент, првиот осомничен зел и парче дрво – ногарка од искршена столица и со неа го удрил оштетениот по главата, нанесувајќи му дополнителни повреди. За тоа време, вториот осомничен не им дозволувал на другите присутни да се приближат.

Со дејствијата, двајцата осомничени предизвикале и поголема материјална штета и чувство на несигурност кај присутните и вработените во објектот.

Јавниот обвинител до судијата на претходна постапка од Основниот кривичен суд Скопје достави предлог за определување мерка притвор за осомничените.​​

Би можело да ве интересира

Притвор за крадец на уметнички слики

Товарен воз прегази мигранти кои лежеле на пругата кај Миравци

Ана Ололовска

Двајца загинати откако со трактор излетале од пат во Струмичко

Ана Ололовска

Скопјанка загина во тешка несреќа на скопската обиколница, три лица се пренесени во болница

Ана Ололовска

ВИДЕО: На Табановце приведени дилери, во БМВ пренесувале кокаин, хашиш и марихуана

Катерина Павлова-Николовска

ВИДЕО: На Караорман фатени 12 дрвокрадци

Катерина Павлова-Николовска