Полициски службеници на СВР Тетово на 18.8.2022 околу 23.30 часот во тетовско Седларево, го лишиле од слобода А.А.(60) од ова село, поради сомнение дека претходно, на свадбена свеченост, организирана од негов соселанец, пукал со огнено оружје и го нарушил јавниот ред и мир.
Набрзо, повеќе лица кои присуствувале на свеченоста спречувале полициски службеници во вршење на службените дејствија, по што А.А. бил донесен во Полициската станица Тетово и му бил одземен пиштол „ЦЗ“ со рамка со 6 куршуми калибар 7,65 милиметри, кој го поседувал без дозвола. По целосно расчистување и документирање на случајот, во координација со Јавен обвинител, ќе бидат поднесени соодветни поднесоци.