Илиеска: Кукавички чин, имам одредени сомнежи, но не се потврдени

Од:

Станува збор за кукавички чин. Има вознемиреност, но не се чувствувам загрозено, изјави Маријана Илиеска, обвинител во Основното јавно обвинителство во Прилеп, чиј приватен автомобил вчера беше опожарен. Според првичните сознанија, засега непознати сторители насилно влегле во гаражата во која бил паркиран автомобилот, го полеале со запаливо средство и го запалиле, предизвикувајќи материјална штета.

Илиеска вели дека постојат одредени сомнежи, но не може да зборува додека не се потврдат.

-Ова е кукавички чин. Нормална е вознемиреноста. Не се чувствувам загрозено ниту пак ќе запрам со мојата работа. Продолжувам со работата како основен јавен обвинител. Имам одредени сомнежи, но не може да зборувам за тоа. Не, пред да се докаже или со факти да се потврди кој стои зад сето тоа, вели Илиеска.

Досега немала лични закани, но постоеле одредени притисоци во работењето.

Веднаш по настанот е извршен увид на лице место. Обезбедени се траги и докази и се преземаат дејствија за откривање на сторител на кривичното дело, соопштува јавното обвинителство.

Јавното обвинителство на Република Северна Македонија и Здружението на јавни обвинители силно го осудуваат ваквиот напад и обид за заплашување на раководител на основно јавно обвинителство со проширена надлежност.

Би можело да ве интересира

Ревизор и го положил испитот за пристап до службени тајни кои потоа му ги кажувала на обвинетиот во „Адитив“, обвинение за Димитровска

Катерина Ѓуровски

Откриена дилерска група, шверцувала кокаин од Холандија

Со боксови, клоци и шлаканци ги спречувле да снимаат, обвинение за брачниот пар од Вигзбегово

11-годишно дете во критична состојба по страотна сообраќајка на патот Прилеп-Градско

Катерина Ѓуровски

Ги убил внукот и неговиот син поради кавга за имот, детали за случајот во Прилеп

Катерина Ѓуровски

Немало докази за направена штета, објаснување од Обвинителство за повлеченото обвинеие против Максим Димитриевски