Привршува изградбата на „Портата Вевчани“ низ која од Ѓурѓовден, вевчанци и гостите ќе влегуваат во „державата“, објави порталот „Охрид Њуз“.
Како што информираат од локалната самоуправа на општина Вевчани, Портата ќе биде осветлена со неколку канделабри, а соодветно осветлени ќе бидат и пешачките патеки, кои наскоро ќе бидат изградени и ќе водат од портата до самото село.
„Портата Вевчани“ која се гради во месноста викана Суво поле, е донација на вевчанската градежна компанија „ВИА“.
Во близина на манастирот „Св. Спас“, на 1300 метри надморска височина, ќе биде подигнат и крст со висина од 25 метри, чиј камен темелник ќе биде поставен в недела, известува „Охрид Њуз“.