Лекарите од Клинички центар масовно се одзваа на повикот за штрајк, кој почна во 7 и 30 часот и заврши со излегување кај Хелиодромот кај Клинички центар во 10 часот.
Според лекарите уште од рано изутрина се вршат невидени притисоци од менаџментот за да се попречи штрајкот, а во одделни случаи биле упатувани и закани.
Најголеми притисоци имало во Стоматолошката клиника, каде што се појавија соопштенија, но и на Гинекологија, каде што бил евидентиран зголемен број на „пациенти“.
Сепак според Синдикатот, сите пациенти кои имаа итна потреба од медицинска услуга им е пружена и повторуваат дека пациентите се нивен приоритет и во вакви услови.
Лекарите тврдат дека нема да отстапат од штрајкот се до исполнување на нивните барања, а тоа е корекција на платите и на учинокот кој што го воведе министерот за здравство.