Денеска и утре во општината „Карпош“, се одржува хуманитарна акција, под мотото „Да бидеме хумани за своите соседи“.
Се собираат производи од граѓаните на Карпош за помош на матерјално ризичните семејства.
Со ова стартува манифестација „Денови на Општина Карпош“, која ќе трае 15 дена. Во рамките на манифестацијата ќе се одржат спортски манифестации, турнир во кошарка за средните училишта, културни збиднувања, промоции на книги, театарски и музички претстави, изложбено продажни манифестации на бизнис секторот од Општина Карпош. како и манифестацијата „Ем умеам, ем можам“, денови на енергетска ефикасност, промоцијата на катастарот на загадувачи .
Една од централните активности е големата крводарителна акција која ќе се одржи на 25 и 26 октомври, на која Општина Карпош ќе се обиде по трет пат, едноподруго, да го собори државниот рекорд во доброволно дарување крв.
Ќе бидат предадени во употреба и новата-реконструирана детска градинка „Орце Николов“ и платото кај Педагошка академија во Карпош 3, а ќе се одржи и традиционалното цветно дефиле од ученици од основните училишта во Карпош, на кои децата ќе носат транспаренти со пораки за љубов, мир и толеранција, за тоа како се сака и чува својата општина .