Хрватска: Го поддржуваме писмото Скопје и Тирана да добијат преговори во март, но нема да го потпишеме

Од:

Хрватска го поддржува писмото испратено до ЕУ од министрите за надворешни работи на шест земји членки во врска со северна Македонија и Албанија, но не го потпиша.

Тоа во Брисел го изјави државната секретарка во хрватското Министерство за надворешни и европски работи Андреја Метелко Згомбиќ и објасни дека Хрватска не го потпишала писмото бидејќи не е примерно како земја која наскоро ќе претседава со ЕУ да се меша во тие предлози.

“Нашите позиции останаа исти, тие се конзистентни. Ние ја поддржуваме содржината на писмото, меѓутоа, како земја која наскоро ќе го преземе претседателството, не е вообичаено за нас официјално да застанеме зад конкретен предлог”, рече Згомбиќ, кој присуствува на состанокот на Советот на Брисел за општи работи.

Таа наведе дека Хрватска во текот на своето претседавање ќе се залага да се донесат соодветни одлуки во врска со отворањето на преговорите со Албанија и Северна Македонија, пренесе „Хина“.

“Ние сакаме да создадеме услови за да можеме навистина да направиме позитивни чекори во оваа насока за време на нашето претседателство. Се разбира, има некои резерви во врска со неефикасноста на самиот процес на проширување. Многу држави забележаа дека нема правилен напредок во процесот на проширувањето. Тоа е нешто на кое може да се работи, но во исто време ќе се стремиме да донесеме соодветни одлуки за време на нашето претседателство, особено за Северна Македонија и Албанија, а сето тоа во рамките на подготовките за самитот во Загреб “, рече Згомбиќ.

На прашањето за ставот на Хрватска за францускиот документ во кој се предлага реформа на процесот на проширување, Згомбиќ рече дека тие го „проучуваат“ и ќе го земат како поттик за подобрување на процесот на проширување во корист на земјите-кандидатки и на Европската унија како целина.

Австрија, Италија, Словенија, Словачка, Чешка и Полска доставија до Европската комисија писмо во кое се изразува подготвеност да се ангажираат во подобрување на процесот на пристапување на Западен Балкан.

Би можело да ве интересира

С. Македонија продолжува да ги исполнува условите за визна либерализација

Ана Ололовска

ЕУ се противи на смртната казна во САД

Ана Ололовска

Нацрт буџетот на ЕУ за идните седум години предвидува 12,6 милијарди евра за проширувањето

Ана Ололовска

Барние: Што и да се случи со Брегзит, ЕУ да се подготви за промени

А1он

Помпео: САД и ЕУ преговараат за повторно воспоставување на взаемните патувања

А1он

Вебер: ЕУ да ги прекине преговорите со Турција

Ана Ололовска