По објавувањето на текстот со наслов „Сексуалните работнички нападнати: Курви, проститутки“ објавен на 02.06.2021 година во 18:30 часот од страна на авторката Искра Манојлвоска на интернет порталот А1Он, Платформата за декриминализација на сексуалната работа односно организациите ХОПС-Опции за здрав живот Скопје, Стар- Прв Колектив на сексуални работници на Балканот и Коалиција Маргини упатуваат демант на објавената содржина поради следното:
- Насловот е крајно сензационалистички и од него се добива впечаток дека се случиле инциденти за време на одбележувањето на Меѓународниот ден за правата на сексуалните работници 02 јуни – што е целосно неточно.
- Од начинот на кој се пласирани информациите во ударниот дел од текстот, поточно во насловот и првиот дел, се добива впечаток дека искажаното произлегува од изјавата на извршната директорка на ХОПС- што е неточно и погрешно контекстуализирано.
- Тврдењето што произлегува од насловот не е поткрепено со ниту еден аргумент, ниту каква било статистика или сведоштво кои би го оправдале ваквиот наслов и употребата на погрдните зборови,
- Употребата на ваквата терминологија во насловот ја оценуваме како репродукција на стигматизирачки, омаловажувачки и дискриминаторски говор, кој што ја вознемирува заедницата на сексуални работници.
- Тоа е во спротивност со медиумската етика и стандарди за известување за вакви теми, особено имајќи предвид дека медиумите не треба да учествуваат во ширењето на ваквиот говор, туку треба да придонесат во неговото препознавање, обезличување и дистанцирање од него.