Предлог – законот за прекинување на бременост допира во основните човекови права и слободи и незамисливо е да се носи во кратка постапка – стои во соопштението на Хелсиншки комитет. Од таму велат дека одредбите од членот 6 од Предлог – законот за прекинување на бременост до 10-та недела се во колизија со член 2 кој дефинира дека право на слободен избор има лично жената, што претставува повреда на одредбите од Уставот и загарантираните права и слободи.
Хелсиншки комитет нагласува дека одредбите од Предлог – законот му даваат нова надлежност на министерот за здравство да донесува одлуки за подготовка на форматит за писмено барање за абортус, воспоставување на акти за советување и клинички протоколи, како и формирање на првостепени комисии во здравствените инсистуции.
Со тоа што министерот ќе формира комисија во здравствената установа, како што велат од Хелсиншки, дополнително ќе ја бирократизра процедурата за жената која поднела барање. Од друга страна, пак, министерот ќе биде во улога на одлучувач дали на жената да и се прифати барањето или не.
Петар Клинчарски