Еврокомесарот за проширување Јоханес Хан пристигна во Владата на Република Македонија каде ќе се сретне со премиерот Зоран Заев.
На средбата ќе се разговара околу плановите за реформи на новата влада.
По завршувањето на тет-а-тет средбата помеѓу Заев и Хан, се одржа билатерална средба помеѓу делегацијата на Владата на РМ во состав на вицепремиерката Радмила Шекеринска, вицепремиерот за европски интеграции Бујар Османи и министерот за надворешни работи Никола Димитров со делегацијата на Европската Унија предводена од Јоханес Хан.
Веднаш по средбите започна и тематска седница на владата за реформите кои треба да се спроведат. На седницата присуствуваше и еврокомесарот Хан.
Пред неговото доаѓање во Македонија, Хан посочи дека доаѓа да даде поттик за спроведување на реформите што Брисел очекува да бидат спроведени во брз рок со цел земјата да се врати на патот на евро-атлантските интеграции.
Виктор Јованов